Leonard Skabona, 60 vjeç, nga Laçi, është pacienti që u hodh nga lartësia në spitalin Shefqet Ndroqi në Tiranë.
Nga raportimet mësohet se pacienti po kurohej prej 10 ditësh për shkak të Covid-19.
Ngjarja e rëndë ka ndodhur rreth orës 00:30 të së hënës. Mendohet se shkak për vendimin ekstrem të 60-vjeçarit ka qenë gjendja e rënduar psikologjike e pacientit.
Nuk dihet nëse viktima ka vuajtur më parë nga probleme të shëndetit mendor. Skabona jetonte i vetëm, ndërsa gjendja e tij shëndetësore është rënduar pak ditë më parë, kur është transportuar drejt spitalit Shefqet Ndroqi.
Ky është rasti i pestë që pacientë që kurohen në spitalet Covid në Tiranë vetëvriten.
