Mike Tyson tregon si e kapi në shtrat gruan e tij me aktorin e Hollywood-it

Mike Tyson është martuar tre herë dhe duket se më në fund ka gjetur lumturinë. Aktualisht ai është i martuar me Lakihan dhe çifti bën një jetë më se normale pranë njëri-tjetrit.

Tyson më parë ka patur një lidhje me Robin Givens, por mes tyre nuk zgjati shumë, pasi gruaja e tradhtoi atë.

Tyson dhe Givens u martuan vetëm 11 muaj pas takimit të tyre të parë kur boksieri ishte në kulmin e famës së tij. Sipas Tyson, dasma e rregulluar me ngut erdhi pasi Givens njoftoi se ishte shtatzënë. Por menjëherë pasi ishin fejuar, ajo i tha Tyson se kishte një abort spontan.

Më vonë, mediat britanike shkruanin se Mike e kapi ish-gruan në shtrat me aktorin hollivudian Brad Pitt. “Djalosh, mos më godit”, mësohet t’i ketë thënë Pitt asokohe, teksa ishte përballur me të.

“Duhej të shihnit pamjen e fytyrës së Brad”, ka shkruar Tyson në librin e tij, ku zbulon detaje nga tradhtia e ish-bashkëshortes.