Një shqiptar nga Kosova ka humbur jetën në mënyrë tragjike bashkë me vajzën e tij gjashtë muajshe. Raportohet se i riu nga Lluka e Epërme e Deçanit Elvis (Agim) Muçaj ishte duke udhëtuar bashkë me vajzën e tij Luanën, në momentin që ndodhi aksidenti i rëndë.
Ai humbi kontrollin e mjetit dhe si pasojë e goditjeve, të dy mbetën të vdekur.
Kryetari i Komunës së Deçanit, Bashkim Ramosaj u ka shprehur ngushëllime familjes Muçaj dhe gjithë qytetarëve të Deçanit për këtë humbje.
“Tronditës lajmi i ndarjes nga jeta e të riut nga Lluka e Epërme, Elvis (Agim) Muçaj dhe vajzës së tij Luana 6 muajshe, në aksidentin që ndodhi mbrëmë në Gjermani. Ngushëllime më të sinqerta familjes Muçaj, bashkëfashtarëve dhe të gjithë qytetarëve të Deçanit,”- shkruan Ramosaj në një postim në rrjetet sociale.
