Arqipeshkvi i Tiranë Durrës, George Frendo, në një postim në facebook, njofton se e ka kaluar situatn e rënduar shëndetësore si pasojë e infketimit me covid-19 dhe së shpejti do të kthehet në grigjën e tij.
Ai njofton se është i lumtur të kremtoj Krishtlindjen dhe se i uron të gjithë ata që janë prekur nga covid të shërohen sa më shpejt. Frendo pranon se ka kaliuar një situatë të rënduar, por tani ndihet më mirë.
Deklarata
Falenderoj Zotin se së shpejti do të jem përsëri me grigjen time. Larg grigjes jam ndjerë si kokë pa trup. Gëzohem se mund të vazhdoj të kremtoj kohën e Ardhjes, në përgatitje për Krishtlindjen, bashkë me popullin tim.
Kjo periudhë ka qenë për mua një eksperiencë e dhimbshme. Megjithatë jam ndjerë më afër Jezusit, i cili, nga dashuria e tij për ne, ka pranuar dhimbje për shelbimin tonë. Dhe jam ndjerë më afër atyre që, në këto ditë, po vuajnë nga e njejta sëmundje. Zoti ti forcoftë e ti sheroftë.
Falenderoj përzemersisht të gjithë ata që më kanë qenë pranë që në fillimin e kësaj sëmundjeje, veçanërisht bashkëpuntorët e mi më të ngushtë dhe gjithashtu falënderoj për shërbimin e parë që kam marrë nga strukturat e shërbimit Shëndetësor në vend, veçanërisht në Spitalin “Shefqet Ndroqi”.
Dëshiroj të falënderoj shumë nga ata që më kanë uruar shërim të shpejtë, ndër të cilët Presidenti i Republikes Z. Ilir Meta, Kryetarin e Kuvendit Z. Gramoz Ruci, Kryetarin e Bashkisë Z. Erjon Veliaj, Z. Lulezim Basha kryetarin e Partisë Demokratike, e shumë e shumë të tjerë!
Falenderoj të gjithë besimtarët që janë lutur për mua. Shpresoj të kremtoj meshën me popullin në Katedrale të dielen me 6 dhjetor.
Ju përshëndes përzemërsisht duke ju kujtuar të gjithëve gjithmonë në lutjen time.
+George Frendo, Arqipeshkvi i Tiranë Durrës!
