Kryetari i Lëvizjes Vetëvendosje dhe ish-kryeministri, Albin Kurti, ka folur para mediave pas fitores së kandidatit të partisë së tij për kryetar të Podujevës. Vetëm pasi e ka përfunduar fjalimin, Kurti u ka thënë qytetarëve të shpërndahen. Deri atëherë, nuk u kujdes nëse virusi mund të shpërndahet.
Kurti ka thënë se sot në Podujevë nuk është bërë zgjedhje por referendum. Pasi i uroi qytetarët e Podujevës, Kurti ka kërkuar që të shpërndahen të qetë.
“Ka fituar qytetari i Podujevës që vendosi për VV dhe Shpejtim Bullqinin për kryetar. Kjo nuk është zgjedhje, kjo është referendum. Jo vetëm sonte por edhe në të ardhmen në Kosovë do të ketë referendume sepse populli është përcaktuar për Vetëvendosjen.
Nuk ka fituar thjeshtë as Shpejtimi as Lëvizja por keni fituar ju. Ne nuk po e marrim komunën ne po ua kthjemë juve komunën. Me siguri që të gjithë jeni gëzuar shumë, me siguri që festa nuk do të përfundoj sonte. Unë ju lus që të shpërndaheni në mënyrë të qetë”, ka thënë Kurti.
