Partizani luan ditën e nesërme sfidën e javës së 5-të ndaj Skënderbeut në “Elbasan Arena”. Të kuqtë pas një faze përgatitjeje me plot dyshime dhe një starti të dobët të sezonit, së fundmi duket se kanë gjetur vazhdimësinë.
Për këtë takim trajneri Daja do të ketë sërish mungesa, pasi Jasir Asani nuk është rikuperuar ende nga dëmtimi.
Stafi mjekësor nuk kërkon të rrezikojë me sulmuesin duke parë që një javë më vonë do të luhet derbi ndaj Tiranës.
Me shumë mundësi, Asani pritet të lihet pushim edhe në këtë ndeshje për të qenë në formën e tij më të mirë ndaj bardhebluve.
Daja pritet të hedhë në fushë formacionin që luajti ndaj Apolonisë, ndeshje të cilën e fituan pastër 0-3.
