Real Madrid vazhdon të vuajë në kampionat. Skuadra e Zidane u befasua mbrëmjen e sotme nga Alavas të cilët kanë triumfuar në transfertë 1-2.
Kampionët në fuqi pësuan nga një gol për pjesë dhe regjistruan humbjen e dytë në shtëpi pas asaj me Cadiz. Miqtë fituan një penallti të dyshimtë në minutën e pestë, që u kthye në gol nga Lucas Perez.
Të gjithë prisnin golin e barazimit, por Alaves shënoi sërish në minutat e para të fraksionit të dytë të ndeshjes. Gafë e Courtois dhe gol i Joselu.
Ekipi i Zidane e vuajti shumë disavantazhin e dyfishtë, por ia doli të rihapte ndeshjen në minutën e 86-të me anë të Casemiro por që në fund goli rezultoi vetëm për statistikë.
Real Madrid nuk arrin të fitojë në 3 ndeshje radhazi në kampionat ndërsa dy prej tyre janë humbje.
