Barcelona nuk po kalon një situatë të mirë financiare. Pandemia ka shkaktuar një krizë ekonomike te klubi katalanas dhe zgjidhja e vetme është ulja e rrogave të futbollistëve.
Diçka e tillë ka ndodhur, lojtarët kanë pranuar kërkesën e drejtuesve dhe gjithçka është zyrtare. Barcelona bën të ditur se do të ketë një reduktim prej 122 milion eurosh.
Leo Messi me shokë kanë pranuar të sakrifikojnë, teksa shuma e kursyer i jep një frymëmarrje ekonomike klubit të njohur iberik.
Ndërkohë, shumë e bonuseve prej 50 milion eurosh që ishte parashikuar për futbollistët, është shtyrë të jepet brenda tre viteve të ardhshme.
