Gjykata e Posaçme (GJKKO) i kërkon minisres së Drejtësisë Etilda Gjonaj, që të ndryshohen disa nene të aktit normativ Operacioni Forca e Ligjit – e njohur si OFL – për sekuestrimin e pasurive.
Sipas shkresës dërguar ministres, gjyqtarët e GJKKO-së i kërkojnë Gjonajt që të gjykojnë masa sekuestro apo konfiskimesh të personazheve që dyshohet se e kanë përfituar pasurinë e jashtëligjshme nga vepra penale për të cilat kjo gjykatë ka komptetencë ti gjykojë.
“Mbledhja e Gjyqtarëve të Gjykatës së Posaçme të Shkallës së Parë për Korrupsionin dhe Krimin e Organizuar është e mendimit që Gjykata e Posaçme për Korrupsionin dhe Krimin e Organizuar të shqyrtojë vetëm kërkesat për konfiskim dhe sekuestrim të të ardhurave e pasurive të dyshyra si të përfituara në kuadër të krimit të organizuar dhe korrupsionit sipas kompetencës lëndore të kësaj gjykate”, thuhet në letrën drejtuar ministres.
Burimë pranë GJKKO thanë se shumica e kërkesave që kanë mbërritur në gjykatë për sekuestrim pasurie lidhen me të dënuar për vepra penale që janë jashtë juridiksionit të kësaj gjykate.
Kështu, GJKKO kërkon që formularët e OFL-së për vetëdeklarimin e pasurive, mos të shqyrtohet të gjitha nga kjo gjykatë, por edhe ato të rretheve, sipas kompetecave përkatëse.
