Milani nuk ka shkuar më shumë se një barazim 1-1 në transfertën ndaj Lille. Ekipi italian humbi në “San Siro” ndaj francezëve, ndërsa nuk shkon më shumë se një barazim në Francë pa Ibrën e dëmtuar.
Pjesa e parë e takimit u mbyll me rezultatin 0-0, ndërsa “Djalli” realizoi menjëherë sapo zbriti në tapetin e blertë në pjesën e dytë. Castillejo dërgoi topin në rrjetë pas një pasimi të Rebic. Ky i fundit e gjeti mjaft mirë brenda zone për 0-1.
Lille mori më pas dominimin e ndeshjes dhe barazoi rezultatin në minutën e 65′. Bamba finalizoi mjaft mirë një aksion perfekt të vendasve për 1-1. Takimi u mbyll po me këtë rezultat, ndërsa pozitat e Milanit komplikohen pak në grup.
Sparta Prague fitoi sërish ndaj Celticut me rezultatin 4-1, ashtu si në ndeshjen e kaluar. Lille mban vendin e parë me 8 pikë, Milani me 7 në vendin e dytë, ndërsa Sparta me 6 pikë. Celticu mbetet në fund me 1 pikë, pasi ka marrë vetëm 1 pikë ndaj Lille.
Nga ana tjetër, Arsenali ka siguruar kualifikimin në fazën me eliminim direkt. Londinezët fituan 3-0 kundër Moldes në udhëtim me golat e Nicolas Pepe, Reiss Nelson dhe Folarin Balogun.
Ekipi i Mikel Artetas ka siguruar lidershipin në grup me 12 pikë, 6 më tepër se Molde që mbetet në vendin e dytë.
Rezultatet e ndeshjeve të orës 18:55 në Europa League:
