Çokollata, veçanërisht ajo e zeza, e pasur me antioksidantë, është një ilaç i mirë për trurin. Ky është rezultat i një studimi bazuar në revistën Scientific Reports.
Kryer nga ekspertë të Universitetit të Birminghamit, studimi tregon se pas konsumimit të pijeve me kakao, të pasura me flavonoid, pjesëmarrësit treguan rezultate më të mira të testeve që iu nënshtruan.
Veçanërisht kur testet ishin më të komplikuara. Sipas asaj që është parë me rezonancë magnetike, flavonoidet funksionojnë duke përmirësuar qarkullimin e gjakut dhe nivelet e oksigjenimit në tru.
Natyrisht, kujtojnë autorët e këtij studimi, flavonoidët janë shumë të bollshëm sidomos në fruta dhe perime, ushqime që janë edhe më të shëndetshme se çokollata.
