Në Kosovë, situata epidemiologjike vazhdon të mos ketë ndryshime, pasi autoritetet regjistrojnë me qindra raste të të infektuarve cdo ditë.
Të mërkurën, Instituti Kombëtar i Shëndetësisë Publike tha se gjatë 24 orëve të fundit, nga 1.651 testime, 704 kanë dalë pozitive me koronavirusin e ri.
Sipas raportit, gjatë kësaj periudhë janë shënuar edhe 9 raste të vdekjes që lidhen me COVID-19.
Të shëruar janë konfirmuar 391 pacientë. Aktualisht në Kosovë janë 13.168 raste aktive me koronavirusin e ri.
Që nga fillimi i pandëmisë në mesin e muajit mars, në Kosovë, janë regjistruar gjithsej 36.253 raste të të infektuarve me koronavirusin e ri, prej tyre 948 kanë vdekur, ndërsa 22.137 janë shëruar.
