Superiorja vijon garimin dhe sot sytë janë në Durrës, aty ku luhet kryendeshja e javës së katërt. Vllaznia kryesuese e kampionatit përballet me Teutën, skuadër që dëshiron titullin kampion këtë sezon. Kjo sfidë është programuar të luhet prej orës 16:45.
Në të njëjtën orë luhet edhe një tjetër sfidë mjaft interesante, mes Kukësit e Laçit në Elbasan. Dy skuadra nën presion, që e kanë nisur kampionatin jo në mënyrën më të mirë dhe që ende nuk e kanë provuar shijen e fitores në tre javët e para.
Në orën 13:45 luajnë kampionët në fuqi. Tirana do kërkojë të bëjë autokritikë kundër Bylisit, pas humbjes ndaj Vllaznisë. Bardheblutë synojnë vetëm tre pikët, ndërkohë që nga ana tjetër edhe ballshiotët do mundohen të rezistojnë, raporton abcnews.
Skënderbeu pret Kastriotin në Korçë dhe do tentojë vazhdimësinë, pasi fitores së arritur në Ballsh të shtunën. Interesante edhe sfida që luhet në Fier, mes Apolonisë dhe Partizanit. Një ndeshje që pritet të jetë e hapur dhe e luftuar.
