Papa Françesku, i cili njihet si mbrojtës i të drejtave të refugjatëve, është shprehur se emigrimi nuk është kërcënim për krishtërimin.
Komentet e tij mbi çështjen delikate i ka bërë në librin e titulluar ‘’Let Us Dream’’, një libër i ri i shkruar në bisedë me biografin britanik Austen Ivereigh.
“Të refuzosh një emigrant që lufton, pavarësisht nga besimi i tij ose i saj fetar, nga frika e dobësimit të një kulture” të krishterë “është në mënyrë groteske keqpërfaqësimi i krishtërimit dhe kulturës,” thotë kleriku në libër.
Papa, nipi i emigrantëve italianë që u vendosën në Argjentinë, shpreh rregullisht solidaritet me emigrantët që kalojnë Mesdheun, duke mbajtur zi për ata që humbin jetën dhe denoncuar vendet e pasura që nuk i mirëpresin.
Ai dënon liderët të cilët kanalizojnë mllefet dhe urrejtjet e tyre kundër armiqve imagjinarë për t’u shkëputur nga problemet e vërteta.
Sipas papa Françeskut qëndrimi i ashpër kundër refugjatëve vjen prej atyre që nuk janë fetarë, por që e konsiderojnë trashëgiminë e kombit të tyre si një lloj identiteti. ‘Frika dhe humbja e identitetit janë rritur, ndërsa pjesëmarrja në kisha ka rënë, ‘’ shkruhet në librin biografik.
