Për ish-Ministrin e Shëndetësisë, Nard Ndoka, pandemia e Covid-19 në vend nuk është menaxhuar siç duhet.
Ai tha se me nje kryeministër si Rama, nuk do të preferonte të mbante postin e Ministrit të Shëndetësisë për faktin se ai nuk dëgjon asnjë prej ekspertëve.
Ndoka beson se do e kishte menaxhuar situatën më mirë se sa ministrja, Ogerta Manastirliu.
“Kontributi i opozitës mendoj se është maksimal. Mundohemi me të gjitha mjetet tona për t’i ofruar zgjidhjet tona. Ne nuk kemi parë që gjatë kësaj periudhe, kryeministri të ketë një këshilltar në krah. Berisha ka pasur një këshilltar që ishte i specializuar në shëndetësi. Ne kemi pasur një mbyllje dhe kjho pati një kosto të madhe për ekonominë, psikologjinë. Ne patëm një kosto të madhe dhe nuk bëmë asgjë për të parandaluar koronavirusin.
Unë shoh që Rama duhet të kryejë detyrën e tij si kryeministër. Ai komitetin e ka antiligjor. Ky urdhëron siç i teket vetë. Kryeministri është pengesa e vërtetë dhe do ta kalojë me propagandë, demagogji. Unë nuk do ta pranoja postin e ministrit të shëndetësisë me një kryeministër si Rama. Unë kam menaxhuar dhe në kohë të vështira më parë. Do e kisha menaxhuar më mirë situatën se Ogerta Manastirliu.”, u shpreh Ndoka në ‘Report Tv’.
