Wuhan, i konsideruar nga shumë njerëz anembanë botës si qyteti ku shpërtheu koronavirusi, sot nuk ka asnjë kufizim dhe i është rikthyer jetës normale.
Pandemia është lënë pas dhe për shumë ishte thjesht një ëndërr e keqe. Wuhani i është kthyer normalitetit në të gjitha drejtimet. Shkolla të hapura, ekonomi funksionale, jetë nate. Asgjë nuk mungon.
Autoritetet lokale kanë vendosur tashmë që në 28 nëntor deri në 6 dhjetor të presin dhe një konferencë ndërkombëtare të dedikuar për tregtinë dixhitale.
Eventi ka për qëllim t’i tregojë botës vitalitetin e ekonomisë së qytetit kinez. Në panair do të marrin pjesë diplomatë dhe delegacione tregetare nga 50 vende të botës.
Por si ja doli Wuhan dhe Kina?
Sipas ekspertëve shëndetësor dy kanë qenë faktorët kryesor. E para karantina e rreptë dhe e dyta testimet masive pas rihapjes.
Me këto dy metoda, Kina sot regjistron 100-200 raste me Covid-19, dhe kryesisht në pikat kufitare. 1 muaj më parë 6 persona rezultuan të prekur nga koronavirusi në një prej krahinave dhe autoritetet testuan 6 milionë banorë brenda disa ditëve, ku izoluan të gjitha vatrat.
