Chelsea dhe Sevilla janë dy skuadrat e para që kualifikohen në fazën e 1/16-ve të Ligës së Kampioneve.
Të dyja ekipet bëjnë pjesë në Grupin E dhe kanë arritur të kualifikohen në raundin tjetër pas 4 ndeshjeve në fazën e grupeve.
“Blutë” mundën sot Rennes me rezultatin 1-2, falë golit të Oliver Giroud në minutën e 91-të. Me të njëjtin rezultat triumfoi edhe Sevilla në transfertën ruse ndaj Krasnodar. Heroi i takimit ishte Munir El Haddadi i cili realizoi golin e fitores në minutën e 95-të.
Tashmë të dyja skuadrat janë të kualifikuara, ndërsa 2 ndeshjet e fundit të fazës së grupeve do të luhen për të përcaktuar vendin e parë. Chelsea dhe Sevilla aktualisht grumbullojnë nga 10 pikë, ndërsa në ndeshjen e radhës do të përballen së bashku.
