Kjo javë mbetet me mot të mirë dhe me kthjellime në të gjithë territorin shqiptar.
Sipas MeteoAlb, në ultësirën perëndimore do të kemi kryesisht dominim të kthjellimeve dhe prezencë të diellit, ndërsa në zonat malore do të kemi edhe prezencë të pakët të vransirave.
Kryesisht, deri ditën e premte do të kemi një javë me mot të qëndrueshëm. Dita e shtunë dhe e dielë pritet të fuqizojnë vranësirat në vendin tonë, duke bërë që këto të sjellin rreshje shiu në të gjithë vendin tonë.
Përsa i përket vlerave termike ka patur një rritje të tyre, si në vlerat minimale në zonat malore dhe në ato maksimale në ultësirën perëndimore, duke bërë që gjatë ditës se sotme minimumi të shkojë edhe në minus 1 gradë celsius në zonat malore, ndërsa ato maksimale, jo më shumë se 17 ose 18 gradë celsius.
Sipas MetoAlb, edhe në ditët në vijim pritet të kemi një rritje graduale të vlerave minimale dhe maksimale, duke bërë që pothuajse në të gjithë pjesën e zonës malore, vlerat minimale të kalojnë edhe në vlera pozitive, ndërsa në ultësirën perëndimore, maksimumi pritet të ngjiten në më shumë se 19 gradë celsius.
