Deklarata e bëra një javë më parë nga kreu i opozitës Lulzim Basha i cili akuzoi qeverinë se po fsheh vdekjet nga koronavirusi në Shqipëri ka qenë sërish temë debati mbrëmjen e sotme në ‘Opinion’.
Zv.ministrja e Shëndetësisë deklaroi se formulari bashkëshoqërues për ndarjen nga jeta të çdo personi plotësohet nga mjeku dhe jo nga institucionet e tjera shëndetësore.
Sipas Rakacollit është mjeku ai që ka diagnostikuar dhe më pas ka parë se nga ka ardhur vdekja e pacientit, duke shtuar se shifrat e raportuara nga koronavirusi janë ato që vijnë në Ministrinë e shëndetësisë nga vetë mjekët.
‘Çdo vdekje analizohet. Normalisht që përgjegjës i formularit ëhstë mjeku. Është ai që e ndjek dhe e përcakton diagnozën për humbjen e jetës së pacientit. Mjekët tanë zbatojnë udhëzimin e OBSH-së’, tha Rakacolli.
