Kreu demokrat Lulzim Basha zhvilloi sot një takim me një delegacion nga komuna e Mitrovicës, i kryesuar nga kreu i kësaj komune, Agim Bahtiri.
Pas takimit të zhvilluar në selinë e PD, kreu demokrat tha se është domosdoshmëri për një përgjigje të unifikuar të shqiptarëve në Kosovë e Shqipëri për çështje të interesit kombëtar.
Ndërsa Agim Bahtiri duke iu drejtuar me një apel të gjithë politikanëve në të dy anët e kufirit, tha se duhet të bashkohemi si një trup.
“Kosova në një situatë të vështirë. Shpifjet më të ulëta me qëllime politike nuk e prekin Bashën. Basha është nip i Kosovës dhe kontributor i madh në pavarësinë dhe shtetin e Kosovës”, tha Bahtiri.
