Arsenal nuk “ngre krye”, vetëm barazim ndaj Leeds

Leeds United-Arsenal u mbyll në barazim pa gola. Vendasit dominuan takimin, edhe falë daljes me karton të kuq të lojtarit të Arsenal, Nicolas Pepe në minutën e 52-të.

Sulmuesi afrikan goditi me kokë lojtarin me origjinë shqiptare Ezgjan Alioski, dhe arbitri kryesor, pasi pa pamjet në VAR, i drejtoi të kuqen, duke lënë “Topçinjtë” me dhjetë lojtarë.

Ekipi i Marcelo Bielsas nuk rreshti së kërkuari golin e fitores, por Bernd Leno ishte në formë shumë të mirë. Miqtë u bënë të rrezikshëm vetëm në minutat e fundit, por Bakayo Saka gaboi përpara portës së Leeds.

LEXO EDHE  Seria A, homazhe për Maradonan / Nga 1 minutë heshtje tek shiritat e zinj në krahë

Përfundimisht barazim 0-0, të dy skuadrat ndanë nga një pike. Në 9-të javët e para të Premier League, Arsenali regjistron 4 fitore, 4 humbje dhe 1 barazim, ndërsa renditet në vendin e 11-të.