Modelja Ada Deda, vajza e ish-deputetes së PD, Albina Deda, ka rrëfyer një histori përballë moderatores Ester Bylyku, në Glamour Zone në Rtv Ora, si disa lajme në portale tmerruan nënen e saj.
Ester Bylyku: Cili ka qenë një moment i sikletshëm për ty me nënën tënde?
Ada Deda: Mbaj mend një episod kur mami ishte akoma deputete dhe kishte shkuar në Bajram Curr. Atë ditë unë kisha çaktivizuar Instagramin, dhe portalet kishin shkruar ‘Zhduket vajza e deputetes’. Dikush e merr mamin në telefon dhe i thotë se i vinte keq që isha zhdukur, ndërkohë që mami tmerrohet, se s’po kuptonte ç’kishte ndodhur. Më merr në telefon, por s’ja hapa se nuk e dëgjova. Merr motrën, as ajo. Merr vëllain dhe i thotë që jam shumë mirë në shtëpi. Mami ishte tmerruar totalisht dhe i thotë vëllait: ‘I thuaj asaj Adës, veç mos ardhsha në shtëpi’.
