Ka ndërruar jetë pas disa ditësh në koma, Llesh Deda, burri që disa ditë më parë u qëllua me sqepar nga gruaja e tij.
61-vjeçari u godit me mjet të mprehtë (sqepar) nga bashkëshortja e tij , Drane Deda. 58-vjeçarja e goditi bashkëshortin pas një sherri të ndodhur në familje.
Sipas dëshmive, në efektin e alkoolit burri ka debatuar me bashkëshorten, debat që ka degraduar në dhunë.
Ngjarja e rëndë ndodhi disa ditë më parë në fshatin Sanxhak në afërsi të Kurbinit.
Çifti kishte 10 fëmijë, ndërsa aktualisht mësohet se gruaja është në komisariatin e policisë në Kurbin.
