Skënderbeu ka arritur fitoren e parë të sezonit, duke mundur Bylisin në fushën e saj me rezultatin e pastër 0-2.
Bylisi nisej si favorit, por djemtë e Julian Ahmatajt arritën të shënonin dy gola duke mos pësuar asnjë të tillë.
Miqtë shënuan fillimisht me Pusin në minutën e 70′. Sulmuesi shkodran shënoi në mënyrë spektakolare me një diagonale të fortë nga jashtë zonës.
Tereziu dërgoi topin në rrjetë në minutën e 86′ duke mbyllur llogaritë. Korçarët marrin 3 pikë me fitoren 0-2. Në dy ndeshjet e para “Ujqërit” kishin barazuar dhe humbur, ndërsa sot vjen suksesi i parë sezonal.
Sfida tjetër mes Kastriotit dhe Apolonisë është mbyllur në barazim 1-1. Fillimisht në avantazh kaluan miqtë në minutën e 80-të me anë të Redon Mihana, ndërsa 5-së minuta më vonë Sebino Plaku, riktheu baraspeshën duke u treguar i saktë nga pika e bardhë e penalltisë.
