Parisi dhe qytete të tjera franceze janë pushtuar nga mijëra njerëz, të nxitur nga aktivistë dhe gazetarë për të protestuar kundër një ligji që sipas tyre do të cënonte lirinë e informacionit dhe medias.
Qeveria franceze është drejt miratimit të një projektligji i cili do të konsiderojë si vepër penale publikimin e imazheve të oficerëve të policisë.
Sipas saj, qëllimi i vetëm është mbrojtja e autoriteteve policore nga dëmtimet tendencioze. Shkelësit do të përballen me një dënim maksimal deri në një vit burg dhe një gjobë prej 45,000 euro.
Kritikët thonë se nëse miratohet kjo masë, gazetarët do të jenë të rrezikuarit më të mëdhenj, veçanërisht gjatë demonstratave të dhunshme.
Në shesh demonstruesit kanë bërë thirrje si ‘’Liri’’, apo ‘’Të gjithë duan të filmojnë policinë.’’ Reporterët pa Kufij, Amnesty International France, Lidhja e të Drejtave të Njeriut, sindikatat e gazetarëve dhe grupe të tjera inkurajuan njerëzit të marrin pjesë në protestë. Turma përfshinte shumë gazetarë dhe studentë.
Zyra e Komisionerit të Lartë të KB për të Drejtat e Njeriut gjithashtu ka shprehur shqetësime se dispozita e re mund të minojë të drejtat themelore.
Në përgjigje të kritikave, kryeministri Jean Castex tha të enjten se masa do të ndryshohet për të specifikuar se ajo nuk do të pengojë lirinë e informacionit dhe se do të përqendrohet vetëm në imazhe të transmetuara me qëllim “të qartë” për të dëmtuar një polici oficer.
Protestuesit argumentojnë se regjistrimi i oficerëve në veprim është thelbësor për të qenë në gjendje të dënojnë dhe të frenojnë veprimet e oficerëve të dhunshëm. Ata
Ligji i propozuar mbështetet nga partia e Presidentit Emmanuel Macron, e cila ka një shumicë në Asamblenë Kombëtare. Mbi miratimin e projektligjit do të votohet ditën e martë dhe më pas do të shkojë në senat.
