Një 33-vjeçar i shpallur në kërkim, është vënë në pranga në Kurbin.
A.L., 33 vjeç, banues në Thumanë dhe me precedentë të mëparshëm, është arrestuar në kuadër të aksionit të koduar “Ndjekja”, zhvilluar nga Komisariati i Policisë Kurbin, në bashkëpunim me Komisariatin Nr. 5 Tiranë dhe bazuar në informacione të siguruara në rrugë operative për vendndodhjen e këtij shtetasi në kërkim.
“Ky shtetas është shpallur në kërkim në muajin tetor 2020, pasi Gjykata e Rrethit Gjyqësor Kurbin i ka caktuar masën e sigurisë ‘Arrest në burg’, për veprën penale ‘Vjedhja me armë’, e kryer në bashkëpunim dhe ‘Vjedhja’, e kryer në bashkëpunim. Gjithashtu, ky shtetas ka qenë person i shpallur në kërkim edhe nga DVP Korçë, pasi në bashkëpunim me 2 shtetas të tjerë, ka transportuar 14 shtetas të huaj, më qëllim kalimin e kufirit, kundrejt pagesës”, njoftoi policia.
