Sulmuesi i Real Madridit, Vinicius Junior, ka thyer heshtjen dhe ka folur më në fund për incidentin me Karim Benzema.
Ky i fundit u kap duke i thënë Mendyt që të mos i pasonte atij. Kamerat fiksuan në ndeshjen Borussia M’Gladbah-Real Madrid sulmuesin Benzema duke i thënë Mendyt. “Ai bën atë që dëshiron. Vëlla, mos luaj me të! Të betohem në jetën e nënës time. Ai po luan kundër nesh”.
Braziliani ka folur për ABC dhe ka theksuar se nuk ka probleme me sulmuesin francez. “Ishte thjesht zhurmë dhe zhurma nuk është për mua. Mes profesionistëve të futbollit ne e dimë shumë mirë se çfarë është. Ka kode që nuk i njihni. Unë dhe Karim nuk jemi vetëm shokë skuadre. Jemi profesionistë dhe e njohim mjedisin ku veprojmë. Marrëdhënia ime me të është e shkëlqyeshme”.
