Dy ambasadorët më të rëndësishëm në Tiranë, ai i BE-së, Luigi Soreca dhe ajo e SHBA, Yuri Kim, kanë apeluar për ngritjen brenda vitit të Gjykatës Kushtetuese dhe vënien e saj në funksionim.
Madje Kim në një postim të një dite më parë ka deklaruar se ka 6 javë afat që Parlamenti dhe Presidenti të përcaktojnë emrat e kandidatëve për në Kushtetuese.
Gjykata Kushtetuese dhe ajo e Lartë dolën jashtë funksionit si pasojë e procesit të Vetting, ndërsa ngritja dhe funksionimi i tyre përfshihet në kushtet që duhet të plotësojë Shqipëria për hapjen e negociatave.
Lidhur me apelin e dy diplomatëve ka reaguar edhe gazetari Enkel Demi, i cili në një postim në rrjetet sociale, ironizon dy ambasadorët.
“Kur Yuri dhe Luigi japin urdhërin e peshkut për Gjykatën Kushtetuese, a duhen quajtur peshkatarë?”, shkruan Demi në postimin e tij.
