500 mln lekë shtesë për Inceneratorët/ Gazetari: Kjo s´ka ndodhur as në Republikat Afrikane

Në një amendament i dorëzuar në Kuvend, nga deputetja e Partisë Socialiste Klotilda Bushka, kërkohet një fond shtesë që do të shkojë për projektin e inceneratorit të Tiranës.

Sipas relacionit, kërkohet një fond shtesë 500 milionë lekësh për programin e “Menaxhimit të mbetjeve urbane”.

Nga kjo shumë, 382 milionë lekësh (3 milionë euro), do të shkojë për pagesën e detyrimeve të prapambetura që qeveria (në pjesën takuese të saj) ka krijuar ndaj inceneratorit për periudhën 2019-2020. Në relacion theksohet edhe se fondet që janë parashikuar për këtë projekt për Bashkinë Tiranë prej 100 milionë lekësh e vendosin Bashkinë e Tiranës në pamundësi për përmbushjen e detyrimeve kontraktore për menaxhimin e mbetjeve urbane.

Këto fonde të kërkuara shtesë parashikohet të mbulohen nga rritja e të ardhurave të TVSH-së në të njëjtën masë.

Lidhur me propozimin e deputetes socialiste ka reaguar gazetari Klodian Tomorri. Ai shkruan në rrjetet sociale se ky amendament i propozuar është shakaja më tragjike në historinë e financave publike të Shqipërisë.

“Paçavure të tilla nuk kanë ndodhur kurrë në Shqipëri, as në Republikat Afrikane”, shkruan Tomorri.

Postimi nga Klodian Tomorri

Shakaja pa kripe e Klotilda Bushkes

LEXO EDHE  Aksident në Fier, një person i plagosur rëndë

Ky amendament eshte shakaja me tragjike ne historine e financave publike te Shqiperise. Pacavure e tille nuk ka ndodhur kurre ne Shqiperi. Nuk ka ndodhur kurre as ne Republikat Afrikane.

Klotilda Bushka, anetare e komisionit te ligjeve rrit planin e te ardhurave te tvsh-se ne buxhet per t’i dhene 5 milione euro shtese incineratorit te Tiranes.

Pra zonja Bushka, e diplomuar ne juridik, pa qene fare anetare e Komisionit te Ekonomise, ben projeksionet e buxhetit.

Ministria e Financave thote ne parashikojme se do mbledhim 100 leke tvsh vitin e ardhshem. Klotilda Bushka me profesion avokate thote: ju te Ministrise se Financave nuk dini nga keto pune. Une parashikoj se do te mblidhen 102 leke.

Pra nje deputete qe nuk ja ka haberin fare financave publike, projeksioneve te te ardhurave, treguesve ekonomik etj etj, ben amendamet per planin e te ardhurave. Pse? Sepse duhet t’i jepen 5 milione euro shtese incineratorit.

Ndoshta per shume njerez mund te duket e parendesishme. Por ky amendament eshte shakaja me pa kripe ne historine e financave te shtetit. Andej nga FMN-ja besoj se do jene duke vene duart ne koke.