Kryetari i PD-së Lulzim Basha e quajti të turpshme largimin nga fusha e stadiumit të Kavajës të ish-lojtarit të Kombëtares, Andi Lila, të mërkurën.
Në një postim në FB, sot, 19 nentor, Basha u shpreh se “askush nuk do na e mbyll gojë”. Ai premtoi se do të ndalojë që Shqipëria të kthehet në diktaturë duke e mbrojtur “me forcë këtë të drejtë të fituar me sakrifica”.
“Kjo është e turpshme dhe kriminale! Sapo përfundova një telefonatë me Andi Lilën, një nga yjet e futbollit shqiptar, të cilit policia i kërkoi të largohej nga fusha e futbollit në qytetin e tij të lindjes në Kavajë, ndërkohë që jepte një intervistë për media. Kjo vetëm për faktin se Lila është një nga kandidatët për deputetë propozuar nga PD Kavajë! Kjo duhet të marrë fund! Askush nuk do të na mbyllë gojën! Në demokraci çdokush ka të drejtë të thotë çfarë të dojë. Ne do ta mbrojmë me forcë këtë të drejtë të fituar me sakrifica dhe nuk do lejojmë që Shqipëria të kthehet sërish në diktaturë”, shkruan Basha, ndërsa publikon dhe pamje nga ajo ç’ka ndodhi.
