Evropa numëron një vdekje çdo 17 sekonda nga koronavirusi, me 29 mijë viktima vetëm javën e kaluar, një rritje kjo prej 18%.
Organizata Botërore e Shëndetësisë (OBSH) ka dhënë shifrat e pandemisë për Kontinentin e Vjetër, duke theksuar se Evropa është kthyer edhe një herë në epiqendrën e COVID-19, virusit që ka vrarë më shumë se 1 milion e 350 mijë persona në të gjithë botën.
Hans Kluge, drejtori i OBSH-së për Evropën, tha se është e rëndësishme që të vijohet me respektimin e masave shtrënguese dhe ruajtjen e higjienës personale.
“Europa regjistroi javën e kaluar 29 mijë viktima nga koronavirusi, që do të thotë një viktimë çdo 17 sekonda”, tha Kluge.
