Reperi i famshëm, Lil Wayne, mund të përballet me 10 vite burg nëse dënohet për akuzën “Armëmbajtje pa leje”. Sipas avokatit të reperit, Howard Srebnick, akuza ndaj Lil është ngritur pas një kontrolli në avionin privat të tij në vitin 2019.
Mediat e huaja shkruajnë se reperi ka bërë 8 muaj burg në Rikers Island për shkak të një arme dhe e ka të ndaluar të mbajë armë zjarri.
“Nuk ka ndonjë akuzë që ai të ketë hapur zjarr me të, të ketë qëlluar, ta ketë përdorur apo të ketë kërcënuar. Nuk ka asnjë akuzë se ai mund të jetë person i rrezikshëm”, ka thënë avokati i Lil Wayne.
Ndërkohë gjatë kontrollit të policisë Miami-Dade dhe agjentëve të FB-së në aeroplanin e reperit në 23 dhjetor 2019-të, sipas tyre, ishte lehtësisht e dukshme se Lil Wayne ishte nën ndikimin e lëndëve narkotike.
Ndërkohë nga ana tjetër, “Vulture” ka raportuar se Lil Wayne nuk është në paraburgim dhe nuk është arrestuar. Ai është thirrur për t’u paraqitur në gjykatë në 11 dhjetor.
