Një 36-vjeçar i shpallur në kërkim, është arrestuar në Kavajë me qëllim ekstradimin drejt vendit fqinjë.
Burime zyrtare nga policia njoftuan se, në lagjen nr.6, u vu në pranga Adrian Rrugeja (Driza), banues në Kavajë.
Ai ishte i shpallur në kërkim ndërkombëtar, pasi Gjykata e Udines në Itali e ka dënuar me 8 vjet e 5 muaj burg për veprat penale “Trafik i lëndëve narkotike” dhe “Plagosja e rëndë me dashje”.
Aksioni për kapjen e 36-vjeçarit u zhvillua nga Komisariati i Policisë Kavajë, në bashkëpunim me Interpol Tirana, në bazë të informacioneve të siguruara në rrugë operative, sqaroi policia.
