Kryeministri britanik Boris Johnson, ka zhvilluar “Pyetje me Kryeministrin” nëpërmjet një lidhje me video në rrjete sociale, sepse ai aktualisht ndodhet ende i izoluar, pasi ka pasur kontakte me një person të infektuar me koronavirus.
Ai ka thënë se Krishtlindja këtë vit nuk do të jetë normale për shkak të situatës së pandemisë që ndodhemi.
Zëdhënësi i tij ka theksuar se Kryeministri do të bëjë maksimumin në mënyrë që njerëzit dhe familjet e tyre të kalojnë festat së bashku.
Boris Johnson do të shikojë të dhënat e fundit të situatës së COVID për të marrë një vendim qe do të jepet përfundimisht javën e ardhshme, shtoi zëdhënësi i tij.
Anglia pritet të dalë nga bllokimi i saj i dytë kombëtar, më 2 dhjetor dhe të kthehet në sistemin e kufizimeve të lokalizuara.
