Një test i ri mund të hedhë më shumë dritë për një nga pyetjet më të shpeshta dhe më të rëndësishme në lidhje me të ardhmen e bashkëjetesës sonë me virusin: “Sa kohë zgjat imuniteti ndaj koronavirusit?”
Ky është një test që Administrata Amerikane e Ushqimit dhe Barnave po shqyrton dhe mat reagimin e qelizave T, të një personi ndaj SARS-CoV-2. Qelizat T janë pjesë e sistemit imunitar ashtu si antitrupat. Ato përbëjnë vijën e parë të mbrojtjes që menaxhon sulmin e viruseve dhe detyra e tyre është t’u tregojnë qelizave të tjera, qelizave B, të veprojnë si antitrupa. E
kzistojnë shumë lloje qelizash T, zakonisht disa prej tyre zgjidhin problemin e viruseve të jashtme duke vrarë qelizën e infektuar. Qelizat T njohin pjesë të ndryshme të virusit në krahasim antitrupat klasikë (të cilët ne i matim me teste serologjike) dhe janë po aq thelbësore për kujtesën e infeksionit.
Tani për tani, testet në dispozicion, ato serologjike zbulojnë antitrupat dhe jo qeliza T, antitrupa që na tregojnë se kemi rënë në kontakt me virusin (madje edhe në të kaluarën). Testet e qelizave T janë më të komplikuara e të sofistikuara dhe kërkojnë teknologji komplekse, por ato mund të bëhen. Modeli është testi për tuberkulozin i quajtur Quantiferon. Pajisja u zhvillua nga Adaptive Biotechnologies, një kompani me bazë në Seattle.
Të dhënat nuk janë shqyrtuar ende për t’u botuar në një revistë shkencore, por ekspertët thonë se puna e tyre kërkimore vlerëson rolin e qelizave T në sëmundjen e shkaktuar nga koronavirusët. Në punën e re shkencore, ekipi analizoi mostrat e 2,200 njerëzve në Vò Euganeo, Itali, ku të gjithë banorët u testuan në mars. Testi i studiuesve, i quajtur T-Detect, identifikoi saktë 97 për qind të atyre me diagnozë të konfirmuar, krahasuar me 77 për qind për një test të antitrupave komercialë.
Ky test i ri zbulon me saktësi nëse jeni imunë ndaj Covid-19, apo
Dy herë më shumë njerëz kanë imunitet të qelizave T
Është hapi i parë, i rëndësishëm sepse qelizat T janë të rëndësishme. Madje mund të jenë një shënues më i mirë se antitrupat. Matja e reagimit imunitar në këtë formë mund të përcaktojë se sa kohë mund të jetë i mbrojtur dikush nga riinfektimi në të ardhmen. Qelizat T mund të jenë dëshmi se trupi vazhdon të reagojë: antitrupat mund të mos jenë treguesi më i mirë (as i vetmi) i reagimit imunitar.
