Presidenti i Republikës Ilir Meta ka bërë ditën e sotme homazhe tek Ushtari i Panjohur, me rastin e 76-vjetorit të Çlirimit të Tiranës.
Duke folur për mediat, kreu i shtetit u shpreh se ishte kënaqësi për të që ta niste ditën me një vizitë në familjen e Heroit të Popullit, Estref Caka, që dha jetën për çlirimin e kryeqytetit.
Meta shprehu mirënjohjen edhe për popullin e Tiranës që ”u bë njësh me çlirimtarët dhe i kthehu shtëpitë në fortifikata kundër pushtuesve”.
Meta deklaroi se kjo është një ditë reflektimi për të bërë më shumë që vendi të mos humbasë rrugën evropiane.
“Të gjithë bashkë do ia dalim të rikthejmë shpresën dhe besimin në ringritjen e vendit tonë,” tha ai.
