Një indonezian u bë milioner sa hap e mbyll sytë, pasi një meteorit, me vlerë 1.4 milion paund, ra në çatinë e shtëpisë së tij.
Josua Hutagalung, 33-vjeç, ishte duke punuar në oborr, kur në shtëpinë e tij ra shkëmbi hapësinor.
Guri me peshë 2.1 kg, la një vrimë të madhe në çatinë e shtëpisë së burrit, ndërsa u fut 15 centimetra në tokën pranë shtëpisë.
Josua tha se meteori ishte akoma i ngrohtë dhe pjesërisht i thyer kur ai e preku atë.
‘Kur e ngrita, guri ishte akoma i ngrohtë dhe e solla në shtëpi. Zhurma ishte aq e fortë sa edhe pjesët e shtëpisë dridheshin”, tha ai.
Banorët lokalë në zonë kishin dëgjuar tinguj të fortë që tundën shtëpitë e tyre. Dhjetëra kanë vizituar shtëpinë e Josua për të parë objektin e rrallë. “Shumë njerëz kanë ardhur, nga kureshtja dhe duan të shohin gurin,” tha ai.
Meteori, i cili vlerësohet të jetë 4.5 miliardë vjet i vjetër, dhe iu ble burrit me çmimin e rreth 1.4 milion paund.
