Efektiviteti vaksinës së COVID-19, një hap vendimtar në kthimin në normalitet pas nj viti të shkatërruar nga COVID, mund të pengohet nga ndotja e përhapur nga një sërë kimikatesh të përdorura në produktet e përditshme.
Sasi të vogla të kimikateve të bëra nga njeriu, të përdorura në çdo gjë, nga tiganët që nuk ngjisin, te rrobat e papërshkueshme nga uji e deri te kutitë e picave, janë lidhur me një rrezik të rritur të dëmtimit të mëlçisë, uljen e pjellorisë dhe madje edhe kancerin.
Por shkencëtarët paralajmërojnë se disa nga këto kimikate gjithashtu mund të shkaktojnë një defekt tjetër pak të njohur por potencialisht të rëndësishëm duke ulur efektivitetin e disa vaksinave.
Kjo pengesë mund të hedhë një hije mbi përpjekjet për të shpërndarë një vaksinë Covid-19 për mjaft njerëz që kufizimet në jetën e përditshme të lehtësohen.
“Në këtë fazë nuk e dimë nëse do të ndikojë në një vaksinim, por është një rrezik”, tha Philippe Grandjean, një profesor ndihmës i shëndetit mjedisor në Shkollën e Shëndetit Publik të Harvardit. “Ne do të duhet të kryqëzojmë gishtat dhe të shpresojmë për më të mirën”, shtoi ai.
