Plot 24 shtete europiane u angazhuan në një operacion ndërkombëtar kundër trafikimit të armëve nga Turqia drejt BE-së. Trafiku i armëve kryhej përmes Bullgarisë dhe shteteve të tjera.
Operacioni u kodua “BOSPHORUS” dhe u drejtua nga policia rumune dhe pjesë e tij ishte edhe Shqipëria, informon Europol.
Aksioni i përbashkët në 24 shtete është kryer gjatë periudhës 2 nëntori-11 nëntor dhe u angazhuan policia shqiptare, greke, rumune dhe portugeze.
Autoritetet mblodhën prova dhe analizuan blerësit dhe shitësit e armëve të zjarrit në fillim të këtij viti për të mundësuar një seri hetimesh dhe aktivitetesh në një nivel kombëtar.
Gjatë operacionit janë kontrolluar 81 banesa.
Po ashtu, janë arrestuar 11 persona, si dhe janë sekuestruar 191 armë, 3 714 copë, karta ID të falsifikuara, sasi të vogla droge, kanabisi e kokaine, 164 mjete piroteknike.
Më herët, janë sekuestruar edhe 1 585 armë.
