Sulmi ndaj ambasadës saudite javën e shkuar në Hagë kishte motive terroriste. Kështu deklaroi sot policia holandeze.
I dyshuari 40-vjeçar u arrestua të enjten e kaluar në një shtëpi në Zettermeer, afër Hagës, disa orë pas incidentit.
Sipas autoriteteve, ai dyshohet se “kreu sulmin ndaj një ndërtese ambasade që gëzon mbrojtje ndërkombëtare, u përpoq të vriste rojen për motive terroriste”, tha policia në një deklaratë.
40-vjeçari u paraqit para një gjykatësi sot, i cili zgjati paraburgimin për dy javë të tjera, thotë policia, duke shtuar se hetimi po vazhdon.
Të shtënat u regjistruan mëngjesin e së enjtes, 12 nëntor, në ambasadën saudite në Hagë, pa dëmtuar askënd.
