Federata e Urdhrit Mjekësor në Lombardi të Italisë, ka publikuar një protokoll për trajtimin e Covid-19, të zhvilluar bashkë me ekipin e specialistit të sëmundjeve infektive, Massimo Galli.
Trajtimi
Për pacientët simptomatikë, trajtimi përfshin paracetamol në rast etheje, shurup për kollë sipas nevojës. Është e rëndësishme të pini shumë ujë për të shmangur dehidratimin, të ndiqni një dietë të shëndetshme dhe të shmangni kortizonin nëse nuk ka indikacion nga mjeku. Ndaloni abuzimin me antibiotikët!
Në protokoll tregohen edhe terapitë që nuk rekomandohen sepse ato nuk kanë rezultuar efektive as për kujdesin në shtëpi ose për spitalin dhe e ekspozojnë pacientin ndaj rreziqeve të mundshme të pajustifikuara nëse jepen pa monitorim adekuat. Prandaj, i thoni jo trajtimeve: lopinavirit / ritonavirit antiretroviral, azithromicinës dhe hidroksiklorokinës me antibiotikë. Në veçanti, përdorimi i azitromicinës duhet të shmanget kategorikisht, me përjashtim të atyre rasteve kur dyshohet infeksion bakterial kontekstual.
Përdorimi i kortizonit
Udhëzimet shpjegojnë se cilat trajtime specifike mund të ndiqen në shtëpi, gjithmonë me këshillën e mjekut tuaj të familjes. Është demonstruar një përfitim i qartë nga terapia me steroide, veçanërisht me dexamethasone (kortizon), për pacientët e shtruar në spital me sëmundje të rëndë.
Kush duhet ta marrë këtë trajtim?
Ata që nuk furnizohen me oksigjen dhe vlera është më pak se 94 për qind, kur kanë të paktën 5-7 ditë ethe, pneumoni të caktuar. Në rastin e një pacienti diabetik, kërkohet monitorim i glukozës në gjak.
Heparini dhe oksigjeni
Profilaksia antitrombotike konsiderohet e arsyeshme për pacientët me një probabilitet të lartë për të pasur komplikime trombotike, për shembull ata që janë të shtrirë në shtrat ose që lëvizin pak. Nuk rekomandohet për ata që kanë rrezik të lartë të gjakderdhjes, u bie të fikët dhe kur dyshohet klinikisht për trombozë së venave të thella.
Si ta trajtoni Covid-19 në shtëpi? Po për antipiretikët?
Po oksigjenin? Duhet të vlerësohet sipas rastit. Duhet ta marrin ata që e kanë më pak se 95%. Në rast nevoje apriori për më shumë se 3 litra në minutë të oksigjenit ose ngopjes më të ulët se 90%, kërkohet shtrimi në spital. Nëse rekomandohet terapia mbështetëse e oksigjenit, pacienti duhet të monitorohet nga mjekët të paktën dy herë në ditë. Është e rëndësishme që njerëzit të kenë në dispozicion një oksimetër për të matur nivelet e oksigjenit dhe që ata të kontaktojnë menjëherë mjekun e tyre nëse vlera bie nën 95/94 për qind.
Ata me sëmundje mushkërish ose që duhanpirësit kronikë kanë nivele të ulëta të oksigjenit, 95% në krahasim me 97/98% të popullsisë së shëndetshme. Këta persona duhet ta matin oksigjenin dy ose tre herë në ditë, para dhe pas një ecjeje tre minutëshe, madje edhe kur janë në shtëpi. Nëse vlera ndryshon shumë, ajo është një zile alarmi. Përveç oksigjenit, është gjithashtu e dobishme të numëroni frymëmarrjet në 30 sekonda dhe t’ia raportoni vlerën mjekut tuaj, i cili do të vlerësojë të dhënat bazuar në kushtet e përgjithshme. / Corriere della Sera
