OFL u ka dërguar formularët e deklarimit të pasurisë 3 personave në Dibër të dënuar për trafik narkotikësh.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
E.(M.) Ç., banues në Dibër, i dënuar në Itali për veprën penale “Trafikimi i narkotikëve”;
T. V., banues në Dibër, i dënuar në Francë për veprën penale “Trafikimi i narkotikëve”;
A. M., banues në Dibër, i dënuar në Francë për veprën penale “Trafikimi i narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
