Një tjetër lajm i mirë vjen përsa i përket prodhimit të vaksinave anti-Covid, që do të përshpejtojë fundin e pandemisë.
Një tjetë kompani farmaceutike mësohet se ka mundur të zbulojë dhe ka gati vaksinën e cila jep 95 përqind efektivitet te pacientët.
Kompania e cila ka bërë lajmërimin e bujshëm është Moderna.
Këto rezultate vijnë menjëherë pasi kompania Pfizer shpalli rezultatet e saj, ku njoftoi se vaksina e prodhuar prej saj ishte 90% efektive.
Përmes një reagimi, ‘Moderna’ njofton se kjo është një ‘ditë e shkëlqyer’ për njerëzimin, ndërsa planifikon të aplikojë për miratim për të përdorur vaksinën në javët e ardhshme.
Kompania bioteknologjike tha se do të ketë gati 20 milion doza të gatshme. Këto doza do të dërgohen në SHBA para fundit të vitit 2020.
Kompania shpreson të prodhojë 500 milion deri në 1 miliard doza globale përgjatë vitit të ardhshëm.
Po kështu kompania ka njoftuar se doza u provua në 30 mijë njerëz në SHBA. Gjysmat e të cilëve morën dy doza të vaksinës në katër javë diferencë.
