Pavarësisht se humbi ndaj Joe Biden, Presidenti në detyrë i SHBA, Donald Trump, vijon të mos e pranojë rezultatin e zgjedhjeve, gjë që po pengon vendin edhe në përgjigjen ndaj pandemisë së koronavriusit.
Konspiracionisti Alfred Cako, tha se do të jetë po Trump ai që do të udhëheqë edhe në 4-vjeçarin tjetër, pavarësisht rezultatit të zgjedhjeve.
Në “Rrethi Katror” në “E Diell”, ai u shpreh se Trump po synon të shpërndajë ushtrinë kudo në SHBA, para shpalljes së rezultatit të zgjedhjeve, më 20 janar.
Sipas tij, ai do ta bëjë këtë me pretekstin për të ndihmuar për vaksinën, por sipas Cakos, qëllimi i vërtetë është që të ketë nën kontroll vendin dhe të mundë çdo rebelim.
“Trump kërkon të fusë ushtrinë para e të shpallet rezultati në SHBA, do ta fusë në çdo cep me sebepin për të ndihmuar për vaksinën, pro do ta ketë për çdo rebelim që mund të lindë dhe unë besoj që Trump do jetë dhe fituesi i mandatit tjetër 4-vjeçar”, tha Cako.
