Mbrojtësi i Juventusit, Leonardo Bonuçi lë grumbullimin e kombëtares italiane në vigjilje të sfidës ndaj Polonisë për arsye dëmtimi.
Ka qenë vetë mbrojtësi 33-vjeçar që e ka bërë publike këtë lajm në mikrofonat e “RAI Sport”:
“Do dëshiroja të isha me çdo kusht në këtë sfidë, por për fat të keq nuk mundem dot. E kam mbajtur veten dhe kam shtrënguar dhëmbët për 20 ditë. Edhe në ndeshjen ndaj Lacios ndjeva shqetësim në gjysmën e fundit të lojës. Fatkeqësisht dhimbja më vazhdoi edhe më shumë dhe duhet të ndalem. Në Torino do më vlerësojnë shkallën e dëmtimit.”, përfundon fjalën Bonuçi.
Duhet theksuar se Juventus është në emergjencë në qendër të mbrojtjes pasi edhe Chiellini është i dëmtuar.
