“Nëse do të garonim tani, Cristiano Ronaldo do të dilte triumfues”, kështu është shprehur Usain Bolt, rekordmeni i botës në garat 100 m.
Duke folur për “Marca”, ish-sprinteri xhamajkan, i cili i përshkroi 100 metrat në 9.58 sekonda, pranoi që Ronaldo do të kalonte vijën e finishit i pari nëse do të kishin një garë tani.
Faktor për këtë opinion, 34-vjeçari shprehet për faktin se Ronaldo stërvitet çdo ditë dhe se është një atlet i rrallë.
“Unë ende përpiqem të stërvitem për të qëndruar në formë të mirë, por asgjë të tepruar”- tha fillimisht Bolt.
“Me siguri që Cristiano është më i shpejtë se unë”. Ai punon çdo ditë, ai është një super atlet që se kemi parë kurrë.
“Ai është gjithmonë në kulm, ai punon shumë dhe është i përqendruar. Tani për tani unë patjetër mendoj se ai do të ishte më i shpejtë se unë.”- ka thënë Bolt.
