Partizani u kualifikua dje në raundin tjetër të Kupës së Shqipërisë teksa mundi 1-0 Apoloninë e Fierit. Goli i Brown në minutën e 19-të i mjaftoi skuadrës së Dajës.
Ky i fundit pas ndeshjes foli për mediet dhe e vuri rëndësinë te triumfi me mungesa të shumta.
“Sigurisht, është shumë i rëndësishëm fakti që u kualifikuan sepse kishim përballë një ekip të Superiores, me të cilin kemi ndeshje edhe pas dy javësh. Në Kupë është e rëndësishme të kalosh turin.
Ne e kemi objektin edhe Kupën sepse në pak ndeshje mund të bësh të mundur të zësh një vend në Kupat e Europës. Sot nuk kishim kontingjentin e kompletuar, pasi mungonte Hoxha. Sigurisht Teqja bëri një paraqitje shumë të mirë, por ai është kapiteni i ekipit.
Kishim edhe mungesën e dy lojtarëve, që janë shumë të rëndësishëm për ne, Asanit dhe Malës, por sigurisht që pjesa tjetër e grupit i mbuloi hapësirat.
Kemi bërë një pjesë të parë shumë të mirë dhe kishim mundësi të dyfishonim rezultatin, por në fund quhet objektiv i arrirë në momentin që kualifikohesh për më tej”, u shpreh Daja.
