Nga Boldnews.al
Para se të bëhet një rrugë për nga Unaza e Re, duhet marrë parasysh stresi, mbetja në trafik, çoroditja dhe zhurma e burive që bien parreshtur, pasi ke mbetur të paktën 40 minuta i bllokuar. Kjo është situata që sot në emër të një tenderi abuziv po shitet si investim.
Katër muaj pritet të zgjasin punimet në lotin e parë të Unëzës së Re, e cila është kthyer prej dy javësh në makthin e të gjithë drejtuesve të automjeteve.
Pikërisht në atë kaos sikur të mos mjaftojë dyndja, mungojnë edhe efektivët e policisë së qarkullimit rrugor për të vënë paksa rregull në “parregullsinë” e organizuar të lëvizjes së automjeteve. Kjo situatë pritet të vijojë gjatë, ndërsa mbetet e pakuptueshme se përse në atë zonë të bllokuar nga trafiku për të paktën dhjetë orë në ditë, numri i efektivëve të Policisë Rrugore është i vogël, ose mungon fare.
Edhe pse u tha se do të përdoreshin rrugë alternative, situata në hyrje të Tiranës në pjesën Jugore mbetet një nga problemet më të madha sot për kryeqytetin. Boldnews.al sjell disa pamje me foto në këtë aks i cili çdo ditë është në këtë gjendje.
Problem kryesor ëkonsiderohet pikërisht mosmarrja e masave për të ndërhyrë në rrugë alternative, të cilat do të zbusnin sadopak këtë aks për të mos u mbytur në trafikun e rënduar. Drejtoria e Përgjithshme e Trasportit Rrugor dhe Bashkia e Tiranës, vetëm dy ditë para se të mbyllnin katë aks për arsye punimeshm “premtuan” se i kishin marrë masat por në të vërtetë situata mbetet mëse problematike.
Përveç zonës së Unazës së Re, në lotin e saj të parë trafiku i rënduar vijon edhe në afërsi të zonës së Astirit pranë mbikalimit, por edhe më në thellësi të zonës urbane si kryqëzimi i “21 Dhjetorit” dhe “Zogu i zi”.
