Ish-deputetja e PD, Albana Vokshi i bën apel qeverisë që paratë e planifikuara për të shkuar për projektin e ri për Teatrin Kombëtar, të investohen në shëndetësi e arsim.
Investimi në projektin e teatrit, sipas ish-deputetes, është një zhvatje nga ana e pushtetit.
Në një postim në FB, ajo shkruan:
“36 milionë euro që kanë ndërmend të zhvasin për projektin e ri të teatrit me kulla, do të stërmjaftonin:
– për testime masive periodike për mësuesit;
– për maska e dezinfektantë për mësues e nxënës;
– për infrastrukturë shkollore me standarte me kushte të përshtatshme higjeno sanitare, me ujë të rrjedhshëm;
– për plarforma për mësimin në distancë;
– për tableta e internet falas për cdo mësues e nxenës;
– për mbulimin e shpenzimeve për kurim për mësuesit;
– shpërblim dinjitoz për punën e tyre me aq përkushtim edhe në kushtet aq të vështira të pandemisë së COVID19”.
