Një familje në Tiranë është përballur me një situata tragjike, pasi ka humbur në të njëjtën ditë dy anëtarë të saj.
Covid -19 u ka marrë jetën dy vëllezërve brenda 24 orëve në Tiranë.
Afrim Osmani, pedagog në Fakultetin e Ekonomisë të Universitetit të Tiranës, në një postim në rrjetet sociale, bëri publik lajmin e trishtë.
Ai shkroi fillimisht i pikëlluar se:
“Covid më mori vëllain. Më dhemb shpirti. Rregulli e do që të shkoj në banesën e fundit sipas protokollit të zi të Covid. I mirëkuptoj të gjithë”, ishte postimi i tij i parë.
Ndërkohë që para një ore, ose 17 orë pas lajmit të parë, Afrim Osmani i detyrua të bënte një postim tjetër, teksa njoftoi ndarjen nga jeta edhe të vëllait të dytë.
“Covid mori edhe vëllain tjetër Arjanin. Tmerr pa fund”, shkroi ai për një nga ngjarjet më të dhimshme, që nga nisja e pandemisë.
Nuk dihet se cila ka qenë mosha e secilit prej vëllezërve, por besohet se ata kanë pasur një moshë relativisht të re. Në ditët e fundit shifra e të prekurve dhe pacientëve që ndërrojnë jetë po bëhet gjithnjë e më alarmante.
